Saioa Elejabarrieta Lemoako Alkateak eta Maria Eugenia Trevejok, Lemoa Ureztatzen Merkatarien Elkartearen lehendakariak 2022rako akordioa sinatu dute. Lemoa Ureztatzen merkatarien elkarteko kide gehienek eta Bizkaidendak-eko kideak ere bileran parte hartu du.
Helburuak honako hauek dira:
– Asoziazionismoa sustatu. Udalaren deialdietan parte hartu eta Udalarekin edota beste kultura- edo kirol-elkarte batekin lankidetzan aritu, ekimen bateratuak egiteko.
– Herri merkataritzaren ikuspegi bateratua eta erakargarria sustatu eta sendotu.
– Bezeroaren leialtasuna bultzatu kanpaina eta ekimenen bitartez; hala nola, deskontuak, berehalako sariak, puntu-katalogoak eta zozketak.
– Inguruko herrietako bezeroak erakartzeko ahalegina egin, bezeroak saltoki handietara joan ez daitezen.
– Udalak 5.000,00 euroko diru-laguntza emango dio Lemoa Ureztatzen Merkatarien elkarteari 2022. Urteko merkataritza-dinamizazio ekintzetarako.
